Iberdrola está a comunicar aos seus grandes clientes que deberán renegociar á alza o contrato de subministración eléctrica. Un encarecemento da tarifa necesario, din, para compensar os recortes que lles impuxo o Goberno central ás súas centrais nucleares e hidroeléctricas. Na enerxética cuestionan as medidas adoptadas polo Executivo.

O impacto das medidas ditadas polo Goberno nótase xa tamén entre os clientes particulares do mercado libre. Facua detectou xa subas entre o 10 e o 20 por cento, e presentou as primeiras reclamacións.

En todo caso, din, a eléctrica debéralle comunicar previamente esa modificación para que o cliente decidise se seguir ou non con esa compañía.