EFE

O presidente de Iberdrola, Ignacio Sánchez Galán, avisou este martes en Bilbao de que só cun marco regulatorio estable e predicible para a enerxía continuarán os investimentos da súa empresa.

Galán criticou o "intervencionismo terrorífico" que se está dando en España nos prezos da enerxía cando, segundo o presidente de Iberdrola, o aumento da factura eléctrica é un problema a nivel mundial derivado da subida continua do prezo do gas natural e que non é culpa das eléctricas nin do CO2.

Criticou que para combater esa subida dos prezos "só" en España se tomaron medidas que cuestionan o marco regulatorio e que, por tanto, Iberdrola vai reformular, como xa anunciou a semana pasada, toda a súa política de investimentos en España.