Moitas tripulacións fixeron corentena nun céntrico hotel vigués, pero, malia as precaucións, polo menos vinte e dous deles non chegaron a embarcar.

Once están ingresados no Hospital Nosa Señora de Fátima e outros tantos están confinados no hotel. As súas idades oscilan entre os 25 e os 40 anos. Algúns dos barcos afectados pertencentes ás compañías conxeladoras afectadas, da máis coñecidas de Vigo están atracados en peiraos de concesión privada como Frioya.

Malia a situación sanitaria da área de Vigo con tres mil seiscentos oitenta e un casos activos, vaise normalizando a asistencia aos covid-auto da cidade, como reflicte esta imaxe do Meixoeiro esta mañá. A preocupación medra entre os cidadáns.

A partir de mañá pola tarde o Sergas habilitará o pavillón catro do IFEVI para acometer outro gran cribado poboacional que durará ata o mércores a vinte dous mil cidadáns de Vigo, será un teste de antíxenos. Algúns deles xa recibiron o aviso.