Este Breogán é de momento un líder intratable. Gañoulle a Canarias por 19 puntos e onte venceu na pista de Burgos por 25. Este Breogán está imparable. 2 vitorias e líder invicto da ACB. Incrible.

O Breogán fai historia. Nunca un recentemente ascendido comezou o campionato dun xeito tan brillante. Onte non foi Musa o líder do equipo. O Breogán foi un bloque e sobresaíu na defensa. En ningún cuarto Burgos foi capaz de anotar máis de 20 puntos. Na parcela ofensiva o Breogán anotou 12 triplas, destacando as 4 de Kalinoski e as 3 de Bell-Haynes.

Mención especial merece o partido do base canadense, autor de 20 puntos. Ao final, triunfo do Breogán por 25 puntos de diferenza. 62 a 87.

E non hai descanso. Mañá toca xogar no Palau ante o Barcelona.