A cervexeira galega Hijos de Rivera gañou preto de 53 millóns de euros no ano da pandemia. E todo malia que a empresa tivo que facerlle fronte a un cambio dos patróns de consumo debido ao peche da hostalería.

Malia e todo, o beneficio caeu un 30 % respecto ao 2019. A empresa incrementou o seu cadro de persoal en algo máis dun 1 %. Ten 1.250 traballadores e está presente en 60 países.

Durante este ano mantén todos os seus compromisos de investimento coa vista posta no lanzamento de oito novos produtos e a expectativa de reactivar o mercado este mesmo verán.