O secretario xeral do PSdeG, Gonzalo Caballero, evitou este sábado afondar nos procesos internos nos que está inmersa a súa formación a nivel autonómico. Preguntado por se espera ter rival para liderar o partido, limitouse a reivindicar o seu proxecto.

"Quero un PSdeG forte, rexenerado, cun proxecto galeguista, ecoloxista, feminista e de esquerdas", proclamou en declaracións aos medios durante a súa participación na concentración contra o peche de Vestas, en Viveiro.   

Avogou por afrontar os procesos internos "con forza, capacidade, paixón e compromiso", pero centrados na "reactivación" da comunidade e sen deixar de lado "os problemas dos galegos", como o peche da factoría de Vestas.   

A mesma reflexión aplicou á situación en Ourense, onde a militancia elixe este domingo a delegación para o Congreso Federal.