Imos con Javi Gómez Noya, gañador do medio ironman de Geelong, en Australia. O ferrolán entrou de primeiro na meta, cun tempo de 3 horas, 45 minutos e 23 segundos. Un triunfo que lle permitirá pelexar polo Mundial de Ironman que se celebrará en Niza no mes de setembro. Agora toca pensar en Toquio e na curta distancia. Gómez Noya podería reparecer o 28 de abril, nas series mundiais de Bermuda, que se disputará sobre distancia olímpica.