O Lugo toma un respiro. Non compite esta fin de semana e aproveita para cargar as baterías antes de empezar a segunda volta.

Hoxe escoitamos a Gerard Valentín, un dos xogadores máis en forma do equipo. Foi decisivo no empate en Sabadell ao provocar o penalti que transformou Manu Barreiro no último minuto. Está satisfeito con poder axudar o equipo e espera contribuir a que non se sufra tanto como nas dúas últimas temporadas.

"Síntome querido, cómodo e con máis confianza que en anos anteriores. Todo xogador quere sentirse importante. Estou intentando poñer todo o que podo desde o rol que se me mande e conseguir os obxectivos do grupo canto antes que é o máis importante, e pasar un ano algo máis tranquilo que os últimos dous, por favor".