Galicia supera os 8.000 casos activos de covid−19 e suma doce novos falecementos
• Aumentan os ingresos, e os hospitais galegos agardan o peor para finais de mes | O comité clínico analiza este martes a situación
• Detectan dous gromos no Hospital Arquitecto Marcide de Ferrol
Sanidade reporta doce falecementos de persoas que foran diagnosticadas con coronavirus. Con eles, van un total de 1.462 decesos desde o inicio da pandemia na nosa comunidade autónoma.
Os falecementos son os dunha muller de 91 anos, no CHUAC; unha muller de 92 anos, no CHUVI, procedente da Residencia Moledo de Vigo; un home de 83 anos, tamén no CHUVI; tres mulleres de 88, 87 e 76 anos, no CHUF; dous homes de 93 e 84 anos, no CHUS; unha muller de 87 anos, falecida no seu domicilio en Pontevedra; un home de 84 anos, na Residencia San Bartolomeu de Xove; un home de 95 anos, na residencia DOMUSVI de Vimianzo, e unha muller de 104 anos, na residencia Santa María de Verín.
Segundo informa o Servizo Galego de Saúde, todas elas presentaban patoloxías previas.