Os presupostos do Estado recollen 1.074 millóns en investimentos para Galicia
Galicia recibirá 1.074,72 millóns de euros de investimentos propios do Estado e sitúase como a quinta comunidade autónoma cunha maior asignación cun 8,3 % do total, segundo consta na memoria do proxecto de orzamentos xerais do estado (PXE) para 2022.
Por diante da comunidade galega, en termos porcentuais, atópanse Andalucía (17,4 %), Cataluña (17,2 %), a Comunidade Valenciana (9,3 %) e Madrid (8,9 %).
O cadro de distribución territorial do investimento real en 2022 recolle en concreto ao sector público estatal (administrativo, empresarial e fundacional). No relativo a Galicia, asígnalle 409,58 millóns en sector público administrativo con orzamento limitativo e outros 665,14 en sector público con orzamento estimativo, o que, sumado, lanza ese total de 1.074,72 millóns de euros, o 8,3 % do total.