CRTVG

Buscar

Galicia pechou 2020 co mellor segundo semestre da historia das súas vendas no exterior

Publicado o 02/03/2021 15:07

As vendas ao exterior das empresas galegas superaron por cuarto ano consecutivo os 20.000 millóns de euros. E iso que, segundo os datos presentados hoxe polo Instituto Galego de Promoción Económica, as exportacións en 2020 baixaron un 6% en Galicia.

Con todo, a nosa comunidade tivo un mellor comportamento que o conxunto de Estado, onde a caída chegou ao 10 %, catro puntos máis. 

E isto foi posible grazas a industrias como a a automoción, as conservas ou o sector naval. En 2020 melloramos no conxunto das exportacións nacionais. Superamos o País Vasco e situámonos como a quinta comunidade en volume de vendas.

O director do Instituto Galego de Promoción Económica, Fernando Guldrís, destaca que "o segundo semestre do ano 2020 foi o mellor segundo semestre da historia das vendas galegas no exterior. Tendo en conta o contexto actual é bastante rechamante e penso que fala moito e moi ben da capacidade comercail das empresas galegas".

Noticias web

02/03/2021