As comunidades do norte de España son as que, xunto coas illas Baleares, están entre as dez mellores, as que figuran como as preferidas para pasar este ano as vacacións. E Galicia, por suposto, está entre elas.

Son datos que se desprenden dunha enquisa realizada por unha plataforma de alugueiros turísticos, que desvela que por medo á pandemia un 64% da xente prefire destinos rurais, pouco masificados e aloxamentos en casas e apartamentos turísticos.

A seguridade e a hixiene figuran como os aspectos que máis se teñen en conta á hora de viaxar. A covid non quitou as ganas de viaxar, pero mudou o xeito de facelo. Porque quedamos máis cerca e preferimos o alugueiro de vacacións mellor que os hoteis.

Búscanse zonas rurais e de costa pouco masificadas, e por iso Galicia está entre os destinos favoritos. E nelas, Sanxenxo segue en auxe. E advirte: se queren alugar casa para agosto en Sanxenxo, máis vale bulir coa reserva.