A ex-presidenta do Parlament respondeu durante catro horas ás preguntas da Fiscalía e da Avogacía do Estado. Forcadell asegurou que en ningún momento tivo intención de non atender os requirimentos do Tribunal Constitucional pero insistiu en que debía primar a defensa da soberanía da cámara e tampouco podía censurar o debate.  

"Eu non participei nin dirixín ningunha estratexia, limiteime a cumprir co meu cargo como presidenta do Parlament e, ademais, creo que non é necesario ser xurista para ser presidenta do Parlament".

Pola mañá declarou o presidente de Òmnium Cultural. Jordi Cuixart desdíxose do declarado perante o xuíz instrutor desta causa. Segundo dixo, daquela a súa prioridade era saír da prisión. Agora defínese coma un preso político que busca solucionar o conflito entre Cataluña e España. Para Cuixart, a única violencia que se exerceu o 1 de outubro foi a policial.

"É que posiblemente do que teriamos que estar orgullosos todos os cidadáns de España é de que o 1 de outubro é o exercicio máis grande de desobediencia civil que houbo en Europa. Tras escoitar os 12 acusados, este mércores comezan a declarar as testemuñas. Esta previsto que Mariano Rajoy compareza pola tarde.