O adestrador do Deportivo, Fernando Vázquez, recoñeceu que sente "o peso da responsabilidade histórica que está sobre o equipo porque caer a Segunda B sería un pau moi duro", pero avogou por "manter a calma e gañar cinco partidos dos nove que quedan".

Ademais, asegurou que de ánimo está "forte" e "convencido" de que o equipo sairá "adiante" a pesar de enlazar seis xornadas sen gañar e estar en posicións de descenso.