No marco deste Foro Vínculo Atlántico, na illa da Toxa, o presidente da Xunta reuniuse co gobernador do Banco de España para analizar os retos da recuperación económica. Feijóo aproveitou este encontro para trasladarlle a Pablo Hernández de Cos a súa preocupación polo peche de oficinas bancarias no rural.

O presidente da Xunta díxolle que cómpre unha solución a nivel estatal para este asunto, xa que os servizos financeiros, defendeu, son fundamentais para o desenvolvemento económico e loitar contra o despoboamento.