Alberto Núñez Feijóo pídelle ao Goberno central que lles dea seguridade xurídica ás empresas afectadas pola Lei de costas.

Díxoo nunha visita a unha das fábricas que ten en Vilagarcía a multinacional galega Profand, a máis importante de España no sector de procesados do mar despois de Pescanova. O porto vilagarcián acaba de ampliarlle a concesión ata o ano 2043 e o presidente da Xunta reclama seguridade xurídica para outras empresas que están a carón do mar.