O presidente da Xunta di que nos últimos anos os meses máis complicados para os incendios están sendo os de setembro e outubro e avisa que os vindeiros días poden ser complicados se non chove. Feijóo pide colaboración cidadá para dar cos incendiarios.

"Volvemos outra vez pedir colaboración para detectar calquera conduta sospeitosa poñela en coñecemento dos corpos e forzas de seguridade. Pido un mínimo de moral e de ética ás persoas que cren que un incendio non é máis que un problema forestal. Non, un incendio é un atentado medioambiental que ademais pode provocar a morte", dixo o presidente da Xunta.