CRTVG

Buscar

Feijóo insta os galegos a pensar se lle deben algo ao Partido Socialista cando vaian votar

Publicado o 11/10/2019 20:44

Alberto Núñez Feijóo insta os galegos a pensar se lle deben algo ao Partido Socialista cando vaian votar nas eleccións xerais do 10 de novembro. O presidente do PPdeG participou esta tarde na xunta directiva do partido na Coruña e dixo que o PSOE de Pedro Sánchez é o responsable do fracaso das dúas últimas lexislaturas e de que a industria galega estea obxectivamente peor ca antes da súa entrada na Moncloa. Afirma que unir o voto de centrodereita no PP é a única maneira de evitar que a desaceleración económica se converta nunha grave recesión.

"Se non facemos nada, esta desaceleración da economía converterase nunha enorme preocupación da economía que pode desembocar nunha crise económica. Unamos o voto, busquemos estabilidade. E, a última reflexión que lles quero trasladar os galegos é se hai algún galego que lle deba algo ao goberno socialista; se hai algunha familia xa sexa de Alcoa, das Pontes ou de Ence que lle deba algo ao goberno socialista", asegura Alberto Núñez Feijóo, presidente do Partido Popular de Galicia.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

11/10/2019