Alberto Núñez Feijóo asegura que o PP é o que ten o proxecto máis sólido para España. E insiste en que SE SE divide o voto do centrodereita gobernará o socialismo e o independentismo.

En Ferrol, Feijóo criticou a demora do Goberno en asinar o contrato das fragatas, rúbrica que coincidiu co día do mitin do PP. A política, defende o líder dos populares galegos, non vai de fotoxenia ou asesores, vai de proxectos, equipos e ideas, algo que demostra ter, engade, o Partido Popular. Feijóo insiste en que dividir o voto do centrodereita só beneficia a Pedro Sánchez e os independentistas.

Pablo Casado incidiu novamente en Sevilla en que, se goberna Pedro Sánchez, os pactos cos independentistas, que suporán o seu indulto,  se reeditarán, e remataran coa España constitucional e solidaria que coñecemos, e que foi, dixo Casado, a máis próspera da nosa historia.

Casado reiterou que deben ser os populares os que presidan o goberno de España tras as eleccións.