Acto do Partido Popular de Galicia onte á noite na vila pontevedresa da Estrada. Alí Alberto Núñez Feijóo asegurou que hai máis razóns para votar o PP que en 2016. Lembrou que Rajoy non sería presidente no seu día, facendo caso das enquisas. 

Pablo Casado estivo esta mañá en Barcelona. Lembroulles aos asistentes ao mitin o dano á prosperidade e ás liberdades en Cataluña que fixeron os independentistas impulsando o proceso. Un goberno liderado polos populares, dixo Pablo Casado, aplicará a Constitución para que as empresas deixen de fuxir de Cataluña.