O pediatra e vacinólogo Federico Martinón-Torres acaba de ser recoñecido co galardón honorífico dos premios Afectivo Efectivo que outorgan a farmacéutica Janssen e Cátedras en Red. O xurado recoñece a mellor traxectoria profesional ligada á saúde.

Martinón-Torres é xefe de pediatría do Hospital Universitario de Santiago, membro do grupo de vacina covid da Organización Mundial da Saúde e coordinador de ensaios clínicos pediátricos.

Os premios Afectivo Efectivo recoñecen as persoas e proxectos centrados no paciente como eixe do sistema sanitario.