O Servizo Galego de Saúde (Sergas) notificou este mércores o falecemento de dúas persoas que foron diagnosticadas con coronavirus. Con elas, o número de vítimas ascende a 2.441 desde o comezo da pandemia en Galicia.

Os decesos son os dunha muller de 88 anos no Complexo Hospitalario de Ferrol e unha muller de 100 anos na residencia García Hermanos de Betanzos.

Segundo informa Saúde Pública, ambas sufrían patoloxías previas.