Unha saída de vía por parte dun turismo rematou coa morte do condutor. Sucedeu no quilómetro 608 da estrada N-634, á altura da parroquia de San Pedro de Candia, en Abadín.

O falecido, de 34 anos e veciño deste concello chairego, dirixíase ao seu traballo en Mondoñedo cando o seu coche se desviou da traxectoria e acabou esnafrándose contra unha vivenda.

Debido á gravidade das lesións, o 061 mobilizou un helicópero medicalizado, pero finalmente os sanitarios só puideron certificar a morte da vítima do accidente. En canto á casa, que leva anos deshabitada, sufriu danos estruturais importantes.

Francisco Rivas, dono da casa: "Estragou o edificio e hai que anulalo. Hai que facer outro, ao quedar estragado todo arredor".

O condutor falecido era veciño da parroquia abadinse de Baroncelle e tiña dúas fillas de curta idade. A Garda Civil de Tráfico investiga agora as causas do sinistro.