Falece unha muller na praia do Cargadoiro, en Ribadeo
Unha muller de avanzada idade morreu este mediodía despois de ser rescatada da auga inconsciente na praia do Cargadoiro, no concello de Ribadeo.
O 112 Galicia foi informado do sucedido arredor das 12:15 horas, grazas á chamada de varios particulares ao teléfono de emerxencias para alertar da situación da muller.
#AXEGAInforma de que unha muller perdeu a vida despois de ser sacada da auga, inconsciente, na #PraiaDoCargadoiro, en Ribadeo. Malia os esforzos dos equipos de intervención desprazados ata o lugar, nada se puido facer por salvala. Interviñeron: sanitarios e Policía Local. pic.twitter.com/SDA0ug5agp
— 112Galicia (@112Galicia) July 26, 2021
Desde o Centro Integrado de Atención ás Emerxencias de Galicia solicitouse a intervención do 061, da Policía Local e dos axentes da Garda Civil. Non obstante, a pesar dos esforzos dos profesionais sanitarios por reanimala, só puideron confirmar o falecemento.