Un veciño de Carballo morreu este martes tras ser atropelado mentres cruzaba a estrada AC-552 á altura do quilómetro 29,6, na parroquia de Bértoa. 

Segundo informan fontes da Garda Civil, o home cruzaba por un punto da estrada sen paso de peóns e, ao ver que que se achegaba o coche, tentou volver para saír da vía, pero escorregou e faleceu logo do impacto. De feito, o vehículo só tiña danos na parte inferior, o que confirmaría esa hipótese.

O atropelo deste home de 61 anos produciuse cara ás 12:30 horas. O condutor deu negativo en alcolemia. Segundo informa o 112 Galicia, foron avisados tamén, entre outros, bombeiros de Carballo e Policía Local.