Na tarde deste sábado produciuse un accidente no que faleceu un motorista de 41 anos tras bater contra un vechículo en Redondela, segundo informa o 112. As dúas persoas que viaxaban no coche resultaron feridas e unha delas tivo que ser excarcerada. Ambas foron trasladadas de urxencia ao hospital Álvaro Cunqueiro de Vigo. O accidente tivo lugar arredor das cinco da tarde no quilómetro 141 da N-550. Ata o lugar desprazáronse tres ambulancias. Tamén interviñeron bombeiros do Porriño, axentes da Garda Civil de Tráfico, da Policía Nacional de Redondela e servizos de mantemento das estradas.

#AXEGAInforma de que un motorista perdeu a vida, esta tarde, nunha colisión contra un vehículo, en #Redondela.
O choque tivo lugar no punto quilométrico 141, da estrada N-550 e, ademais do persoal sanitario, interveñen #BombeirosPorriño, @guardiacivil de Tráfico e #PCRedondela. pic.twitter.com/ND1ETbnpWz

— 112Galicia (@112Galicia) June 26, 2021