CRTVG

Buscar

Falece un home nun accidente de tráfico en Mazaricos

Publicado o 08/08/2021 09:13
Falece un home nun accidente de tráfico en Mazaricos

Unha persoa morreu nun accidente de tráfico entre dous turismos en Mazaricos. A colisión rexistrouse entre os lugares de Eirón e Cuíña, nunha estrada local á altura dunha peque edificación que ten un letreiro de obra e que é un centro social. O falecido vivía no núcleo de Cuíña.

Ata o lugar desprazáronse os Bombeiros de Santa Comba que interviñeron para liberar á vítima que quedou atrapada nun dos coches, axentes da Garda Civil, Protección Civil, GES de Muros e sanitarios que só puideron certificar a morte do home.