Un home faleceu esta tarde tras caer dende unha altura de dous metros cando estaba castrando mel. Foi nunha parcela, ao pé da estrada que une A Pobra de Trives co Barco, na que o home tiña viñas e colmeas.

Por causas que se descoñecen caeu dende o alto ao estaren facendo os traballos apícolas, segundo Protección Civil de Trives que foron dos primeiros en chegar ao lugar do accidente. Un familiar que estaba con el foi o que avisou ao 112.

Mobilizaron un helicóptero medicalizado pero cando o persoal sanitario chegou xa non puido facer nada por salvarlle a vida. O falecido tiña 82 anos e era de Manzaneda.