Un home invidente de 79 anos faleceu na madrugada do domingo ao luns ao escorregar e caer desde o balcón da súa casa no municipio ourensán de Cenlle. Segundo informa a Europa Press o alcalde de Cenlle, José Manuel Rodríguez, el mesmo estivo o domingo "entre as sete e oito da tarde" na casa deste home e da súa muller "charlando".

Sobre as 22:00 horas ela foi para a cama e o seu marido quedou escoitando a televisión. Así, sobre as 3:00 da madrugada, a muller "notou que non estaba na cama" o seu marido. Chamou un fillo que vive preto e atopou o home tirado no patio. "Parece ser que igual esvarou e caeu", indica José Manuel Rodríguez. O alcalde relata que ata o lugar desprazáronse a Garda Civil e un xuíz, e crese que "foi un accidente con mala sorte".

O rexedor, achegado á familia "de toda a vida" e da mesma parroquia, explica que o sepelio tivo lugar este martes. O home tiña tres fillos.