CRTVG

Buscar

Falece un home ao caerlle unha árbore enriba na súa leira en Vilasantar

Publicado o 15/01/2019 10:55
Falece un home ao caerlle unha árbore enriba na súa leira en Vilasantar

Un home faleceu onte pola tarde no Lugar de Raído, en Vilasantar (A Coruña), tras quedar atrapado debaixo dunha árbore nunha leira da súa propiedade na que estaba a traballar, segundo informou a Axencia Galega de Emerxencias (Axega).

Os feitos tiveron lugar arredor das 19.00 horas, cando os servizos sanitarios de urxencia alertaron ao 112 Galicia do ocorrido e, nada máis recibir o aviso, os xestores do CIAE informaron os bombeiros de Arzúa, a Garda Civil e o Grupo de Emerxencias Supramunicipal (GES) de Curtis. Os servizos de urxencia desprazáronse ao lugar dos feitos, onde puideron liberar o home, aínda que os profesionais sanitarios non puideron facer nada por salvar a súa vida e só puideron confirmar o seu falecemento.

Noticias web

15/01/2019