Un ciclista faleceu ao ser atropelado por un camión nun accidente na zona de San Paio, Guísamo, segundo informa o 112 Galicia. O accidente produciuse arredor das tres e media da tarde. Ata alí se desprazou o 061 pero non puideron facer nada por lle salvar a vida. Tamén se mobilizou a Garda Civil, a Policía Local e os bombeiros de Betanzos.

A vítima é Pedro Manuel Alonso Prado, de 52 anos. Este veciño de Oleiros traballaba como bombeiro, pero tamén era coñecido pola súa paixón polo tríatlon. No momento do accidente mortal, ía xunto a tres compañeiros ciclistas. 

#AXEGAInforma dun grave accidente en Bergondo. Un ciclista faleceu tras bater cun camión no Lugar de San Paio. Alí acudiron efectivos de Urxencias Sanitarias de Galicia-061, pero nada puideron facer. Tamén foron @guardiacivil, Policía Local e Bombeiros Betanzos pic.twitter.com/QwlyVxw4wS

— 112Galicia (@112Galicia) February 5, 2020