CRTVG

Buscar

Falece Joan Mesquida, exdirector da Policía e Garda Civil e vicesecretario segundo de Ciudadanos

Publicado o 19/10/2020 19:27
Falece Joan Mesquida, exdirector da Policía e Garda Civil e vicesecretario segundo de Ciudadanos

O político mallorquino Joan Mesquida, exdirector xeral da Policía Nacional e da Garda Civil e exsecretario de Estado de Turismo co PSOE, ademais de vicesecretario segundo da executiva de Ciudadanos, faleceu este luns en Palma aos 57 anos e a consecuencia dun cancro.

A Delegación do Goberno en Baleares manifestou o seu sentido pésame polo falecemento do que fora máximo responsable da Garda Civil e a Policía Nacional e expresou nas redes sociais o seu afecto á súa familia, amigos e compañeiros.

Tamén o Concello de Calvià lamentou profundamente o seu falecemento e trasladou un "cariñoso pésame á súa familia e amizades".

Mesquida era funcionario en excedencia do Concello de Calvià e foi director xeneral de Turismo e Proxectos Estratéxicos do municipio.