A política socialista galega Isaura Abelairas faleceu esta madrugada aos 69 anos. Foi concelleira de Limpeza e Festas desde 1999 ata 2003, foi tamén edil de Servizos Exteriores e Vías e Obras. Con Abel Caballero como alcalde de Vigo, foi a responsable de Cultura e nas dúas últimas lexislaturas exerceu como responsable de política social no consistorio vigués. Exerceu como deputada provincial desde 2007, como responsable de Igualdade.

En xullo de 2020 abandonou o concello para ocupar un escano co Grupo Parlamentario dos Socialistas de Galicia. Gonzalo Caballero amosou na súa conta de Twitter a trsiteza polo seu falecemento. 

Abelairas, nacida en Taboadela, foi mestra e directora do CEIP Emilia Pardo Bazán desde 1993 ata 2007.

Deixounos unha gran amiga e compañeira, a miña querida Isaura, sempre socialista e feminista, optimista e loitadora ata o último momento. Defensora das causas xustas, da igualdade, da educación pública, así o fixo no concello de Vigo e no Parlamento galego.
Moi tristes.
pic.twitter.com/2rQSZg4E7j

— Gonzalo Caballero (@G_Caballero_M) June 3, 2021