A Garda Civil atopou un peculiar grupo de peregrinos en Santo Domingo da Calzada, na Rioxa. É un cidadán francés de 33 anos que fai o Camiño de Santiago acompañado de sete cabras, tres burros e un can. O problema é que ningún dos 11 animais ía convenientemente identificado, nin cartillas sanitarias, nin microchips nin placas.

Ante a falta de documentación, as autoridades decidiron trasladar os animais á praza de touros de Santo Domingo de la Calzada e darlle ao home un prazo de 48 horas para presentar a documentación. Se o fai, o grupo poderá seguir o seu camiño cara a Compostela.