Incendio forestal en Silleda. A alarma saltou contra as once da noite e as lapas estendéronse con rapidez debido á forza do vento.

O lume orixinouse nunha zona de difícil acceso da serra do Candán, na parroquia de Parada, e quedou extinguido seis horas despois, contra as cinco da mañá.

Durante a noite traballaron alí un axente, catro brigadas e tres motobombas. Afectou 12 hectáreas, dez de raso e dúas de arboredo.