O incendio que afectaba desde a pasada noite ao municipio de Ortigueira quedou extinguido este martes, segundo traslada a Consellería do Medio Rural. O incendio iniciouse a última hora do luns, en concreto sobre as 22:56 horas, na parroquia de Devesos e foi controlado sobre as 14:06 horas.

Os equipos de loita contra o lume deron extinguido as lapas contra as 21:14 horas. As últimas estimacións indican que a superficie afectada ascendería a unhas 70 hectáreas, unhas sete de arboredo e o resto de monte raso.