Tres persoas quedaron intoxicadas esta madrugada nunha vivenda do barrio do Ventorrillo, na Coruña, debido ao mal funcionamento dunha estufa de queroseno.

Foi o 112 Galicia o que deu a alerta. Ata o lugar desprazáronse os equipos de emerxencias, que foron os que puideron confirmar a presenza de gases no interior do inmoble.

As tres persoas, membros da mesma familia, tiveron que ser trasladadas ao Complexo Universitario da Coruña para recibir atención médica.