Unha das zonas máis afectadas pola treboada en Ourense foi a zona onde se atopa o pavillón dos Remedios que quedou sen teito. Esta tarde o Concello manterá unha reunión urxente para arranxar os danos ante a previsión de novas treboadas que tamén poderían afectar a cidade.

A conselleira de Infraestruturas, acompañada por membros da corporación municipal, visitaba este mediodía a zona. Ethel Vázquez púxose a disposición do Concello para axudar a recuperar, dixo, canto antes a normalidade na cidade.