Dez protagonistas, oito percorridos. Únímonos a eles para viaxar desde o sofá coa vantaxe de facelo a vista de paxaro.

Boa coñecedora das rutas xacobeas e piloto de drons ela mesma, Alejandra Gómez pensou que levantar a ollada do chan podería axudar os futuros peregrinos a escoller cal dos camiños percorrer para chegaren a Compostela.

A webserie, da que xa están dispoñibles os tres primeiros capítulos, forma parte dunha plataforma accesible de recursos sobre o Camiño, para cando se poidan desconfinar os pasos.