Segunda xornada consecutiva en diferentes cidades españolas con protestas nas rúas contra as restricións impostas para frear o coronavirus. Houbo enfrontamentos violentos coa Policía en Madrid, Logroño, Granada, as tres capitais vascas ou Santander.

Os disturbios saldáronse con 46 detidos en toda España, 32 deles en Madrid, e once axentes feridos. Queima de colectores ou doutros elementos do mobiliario urbano, lanzamento de obxectos e carreiras son o denominador común das protestas convocadas polas redes sociais. Producíronse ademais saqueos en locais comerciais en distintas cidades. O presidente do Goberno, Pedro Sánchez censurou a violencia nas rúas cunha mensaxe na súa conta de Twiter. Defende que "a conduta violenta e irracional de grupos minoritarios é intolerable e non é o camiño".

A protesta máis virulenta foi en Madrid, onde os altercados deixaron 12 feridos, 3 deles policías e 32 detencións. Un cento de persoas desaloxadas da Porta do Sol provocaron graves disturbios na praza de España con barricadas ou cortes na Gran Vía coa queima de colectores.