O grupo xihadista Estado Islámico proclamou a autoría do atentado contra a minoría xiíta no sur de Afganistán e no que faleceron polo menos 60 persoas e outras 80 quedaron feridas.

O atentado perpetrouse na maior mesquita xiíta na cidade de Kandahar, onde centos de fieis se amoreaban polas oracións do venres. No atentado participaron tres atacantes suicidas.A propia comunidade xiía tiña o control de seguridade na mesquita, o que non foi suficiente para evitar o masacre.

O ataque produciuse unha semana despois de que o Estado Islámico perpetrara un atentado suicida contra outra mesquita xiíta na cidade de Kunduz, no que faleceron máis de 80 persoas.