A situación epidemiolóxica de Lugo estabilízase. A porcentaxe de PCR positivas descende ata o 5 por cento, o indicador en que a OMS sitúa o control dos gromos.

"Estamos nesa tendencia do 5 por cento. É un bo indicador, pero aínda así temos que baixar a porcentaxe ata o 3 por cento", explica Ramón Ares, xerente da área sanitaria de Lugo, Monforte e A Mariña.

Aínda así, as autoridades sanitarias din que non se pode baixar a garda. Apelan á responsabilidade individual e ao cumprimento das medidas sanitarias, sobre todo das corentenas por parte dos contaxiados.

"Se se detecta que non se cumpren, ten o risco de ser multado cunhas cantidades importantes reguladas nos protocolos de actuación", engade Ares.

Esta infracción está penada con multas que van dende os 3.000 aos 15.000 euros.