O lado positivo deste virus atopámolo na onda de solidariedade que está a ocasionar. Iso, por exemplo, é o que levou a unha empresa de drons de Lalín a botar unha man. Poñen os seus aparellos á disposición das forzas de seguridade.

Xaime Pereira é o xerente da empresa: "A nosa proposta é axudar. Agora mesmo temos unhas 30 persoas traballando desde a casa e temos o departamento técnico pechado. Pero temos os pilotos repartidos por toda España agardando a que se nos chame para colaborar. Nós ofrecemos o aparello co piloto".

"Entre as tarefas que pode facer o dron está a de advertir á cidadanía a través de altofalantes, identificar persoas tanto por recoñecemento facial como de matrículas, transporte de medicinas, mostras...".