Para decidir que facer no Nadal non axudan en nada as imaxes de aglomeracións que vimos esta fin de semana nalgunhas capitais. Malia que se mantén a tendencia á baixa nos contaxios, os expertos advirten do risco de que se adiante a terceira vaga se actuamos con irresponsabilidade. Acendéronse as luces de Nadal, abriron os comercios e comezaron as xornadas de compras, animadas polas ofertas do Venres Negro importado dos Estados Unidos. E así se encheron as rúas do centro de Madrid.

O Concello asegura que estas aglomeracións entran dentro do previsto para a fin de semana. O venres comezou o dispositivo especial de Nadal da Policía Municipal de Madrid. Prevense entre 75 e 100 axentes máis cada día na zona centro.

Amoreamentos de xente similares víronse tamén noutras cidades polo mesmo motivo: prendido das luces de Nadal e comercios abertos con ofertas. Así estaban, por exemplo, Bilbao... e mais Valencia. En Cataluña houbo que sumarlle que esta foi a primeira fin de semana cos bares abertos despois dun peche de máis dun mes. Pero, polo de agora, catro mil concellos de España aínda están sometidos a algún tipo de restrición.