A covid reduciu un ano e medio a esperanza de vida en España e provocou un descenso acusado da natalidade. Nos primeiros dous meses deste ano rexistrouse a cifra de nacementos máis baixa desde 1.941, de toda a serie histórica.

En total, entre xaneiro e febreiro, naceron 48.282 nenos e nenas, o que supón un 15 por cento menos que no mesmo período do ano pasado. Ademais, España reduciu a esperanza de vida aos 82 anos, co que deixa de ser o país da Unión Europea que máis alta a tiña.