Estas previsión sobre o déficit están incluídas no plan de recuperación que o Goberno envía hoxe a Bruxelas. Inclúe todas as reformas e investimentos previstos para recibir os fondos europeos. 

O Goberno español remite formalmente a súa folla de ruta para canalizar os fondos europeos, xusto no día en que remata o prazo habilitado pola Comisión Europea. Agora Bruxelas ten uns dous meses para analizar os documentos que lle enviaron os diferentes estados.

Portugal, que ten a presidencia de quenda da Unión, xa avanza que programará a aprobación dos primeiros plans para o 18 de xuño, na reunión dos ministros de Economía e Finanzas dos 27. A intención é poder dispoñer dos cartos antes de que remate o verán.