En Bruxelas, negociación complexa das cotas europeas de pesca. O brexit está a condicionar a negociación.

Os máis optimistas falan de que a medianoite podería haber unha decisión, pero as negociacións ben poderían chegar ata a madrugada.

Ao longo da mañá haberá unha nova proposta porque actualmente non gustan as que fixo a Comisión Europea.

España conta con Italia, Portugal e con Francia como aliados para frear eses recortes moi importantes nas capturas de pescada, linguado ou peixe sapo.

Esa redución de capturas no Cantábrico significaría unha caída do ata o 20 % nos ingresos por barco de toda a frota galega de artes menores.