España ordena a devolución a Marrocos dos case 800 menores que entraron en España a través de Ceuta o pasado mes de maio. O ministerio do Interior deu orde de empezar a trasladalos hoxe mesmo.

A devolución foi acordada entre os gobernos español e marroquí, nun intento por recuperar as relacións bilaterais, danadas desde aquel momento. Os menores serán enviados a un centro de acollida marroquí ata que se reúnan cos seus pais. Varias ONG denuncian que a súa devolución colectiva non respecta a lexislación e os convenios internacionais que ten asinados España.