O Celta perdeu no Villamarín e cae ao pozo do descenso. Veremos que pasa con Escribá. O domingo o Celta recibe o Xetafe en Balaídos. Todo hai que dicilo, onte no Villamarín o Celta mereceu mellor sorte, pero na última acción do encontro marcou Fekir. Despexamento defectuoso de Araújo e Fekir, libre de marca, facía un gol que lle dá aire ao Betis e que mete o Celta nun serio problema. Escribá di que está tranquilo coa súa situación, pero móstrase amolado pola derrota.

O Celta chegou esta mañá desde Sevilla. Caras longas na expedición tras o acontecido onte. Veremos que decide o club arredor de Escribá. Daranlle de marxe ata o domingo? Ante o Betis o Celta conseguiu a terceira derrota consecutiva.