CRTVG

Buscar

Escolares vigueses visitan o hotel do terror neste Samaín

Publicado o 30/10/2019 14:47

Entran no hotel do terror para facer o recorrido á tenue luz dos calacús e, rodeados de teas de araña e pantasmas, pronto se atopan cos seus terroríficos hóspedes.

E nesta hospedaxe arrepiante, o que máis sorprende é que estes pequenos, que non pasan dos seis anos, aseguran que non pasan medo.

E é que esta celebración é a escusa perfecta para traballar cos seus profesores o manexo de emocións coma o medo.

Nesta actividade participa toda a comunidade educativa. Tamén os pais e nais, tan metidos no papel que parecen auténticos profesionais.

Para saír sans e salvos deste hotel os pequenos deben descifrar segredos e participan nun espectáculo de maxia para rematar con sorrisos e a todo ritmo nunha arrepiante discoteca.

Envía o teu comentario!
Para poder comentar esta entrada debes estar rexistrado.
Introduce o teu usuario e contrasinal aquí

Noticias web

30/10/2019